ՎՍՀ-ի դիվանագիտական ակադեմիայում տեղի ունեցած Հարավ-չինական ծովի 13-րդ միջազգային համաժողով

18 նոյեմբերի, 2021

Ս.թ. նոյեմբերի 18-ին և 19-ին Վիետնամի Սոցիալիստական Հանրապետության դիվանագիտական ակադեմիայում տեղի է ունեցել Հարավ-չինական ծովի 13-րդ միջազգային համաժողովը «Հետադարձ հայացք դեպի ավելի պայծառ ապագա» («Looking back to a brighter future») խորագրով։

Բացման ելույթներով հանդես են եկել Վիետնամի Սոցիալիստական Հանրապետության դիվանագիտական ակադեմիայի տնօրեն դոկտոր Ֆամ Լան Դունգը (Dr. Pham Lan Dung) և արտաքին գործերի փոխնախարար Ֆամ Կուանգ Հիուն (Mr. Pham Quang Hieu):

Բացման ելույթներից հետո տեղի են ունեցել պանելային քննարկումներ, որոնց ընթացքում մի շարք հեղինակավոր բանախոսներ և միջազգային փորձագետներ իրենց զեկույցներում անդրադարձել են Հարավ-չինական ծովի խնդրին վերաբերող տարբեր ոլորտներին։

Պանելային քննարկումներից հետո բանախոսները պատասխանել են համաժողովին ներկա գտնվող և հեռահար ձևաչափով մասնակիցների հարցերին։

«Հետադարձ հայացք դեպի ավելի պայծառ ապագա» խորագրով Հարավ-չինական ծովի 13-րդ միջազգային համաժողովին մասնակցում էին Վիետնամի Սոցիալիստական Հանրապետության նախարարությունների ու գերատեսչությունների ներկայացուցիչներ:

Համաժողովին՝ ի թիվս Վիետնամի Սոցիալիստական Հանրապետությունում հավատարմագրված այլ դիվանագիտական ներկայացուցչությունների և միջազգային կազմակերպությունների ղեկավարների ու անդամների մասնակցում էին նաև ՎՍՀ-ում ՀՀ դեսպան Վահրամ Կաժոյանը և դեսպանության երկրորդ քարտուղար Արամազդ Մուրադյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր